A bisserl wos über unsa Gschicht

A guats Essn braucht a guade Herkunft. Genau a so wia unsere Familienrezepte!

Da Kirchawirt

...von der Uroma übernommen

Unsa Essn is boarisch. Und teilweis kumman de Rezepte a no von da Uroma. De hod scho oiwei gsogt: "A guads Fleisch, gibt a guade Suppn!" Des is a da Grund waurm wir ois Wirtsleid a drauf schaugn, dass regionale Produkte und de, de grod Saison ham bei uns verarbat wern. In da offana Kich, ko si a jeda davon selba überzeign.

Bayrische Wirtshauskultur

Dafür steht alloans schon des stolze Gebäude des Kirchawirts in Pang, 1872 erbaut und seit dem immer a Ort der Gastlichkeit. Genau so soi's a in Zukunft sei, san si de neunen Pächter Silvia und Christian Brandstetter mit Dochta Valerie einig.

Fam. Brandstetter v.l.n.r. Valerie, Christian und Silvia

Wos guads z'Essn gibts bei uns

Festlichkeiten beim Kirchawirt

Von da Tauf' bis zur Hoazat

Insg'samt fünf Gaststubn stengan zur Verfügung, sodass für olle Zwecke und Bedürfnisse de richtigen Räumlichkeiten do san. Sämtliche Festivitäten kenan hier ausgricht wern, sozusagen des ganze Lebn begleiten: Von da Tauffeier über d'Kommunion und Firmung bis hi zur Hoazat und ganz am End' de Trauerfeier. Aber selbsverstendlich a Betriebs- und Firmenfeiern, Weihnachtsfeiern und olle andan Gelegenheiten finden do an guadn Bloz, zum Beispiel im eindrucksvollen G'wölbekeller. Wichtig für uns is, dass a olle dabei sei kenan. Zwar ist des Haus historisch, aber trotzdem is bei de letzten Umbauten darauf g'acht worn, barrierefreie Zugänge für Fuaßlahme und Rollstuhlfahrer ei'zrichtn, sowoi zu de Gaststub'n ois a zum Abort.

Unsare Räumlichkeitn: